Цемент, клинкер болон эрчим хүчний цогц үйлдвэр 

Монцемент цогц үйлдвэр нь шохойн чулууны ил уурхай, цемент үйлдвэрлэх иж бүрэн 2 шугам, технологийн явцаас гарах хаягдал дулааныг дахин боловсруулж 5МВт цахилгаан эрчим хүч үйлдвэрлэх WHR систем болон Улаанбаатар хот дахь клинкер боловсруулах үйлдвэр зэргүүдээс бүрдэнэ. Тус цогц үйлдвэр нь хоногт 3500 тонн клинкер болон жилд 1 сая тонн өндөр чанарын цемент үйлдвэрлэх хүчин чадалтай.

Өнөөдрийн байдлаар Дорноговь аймгийн Өргөн суманд хоногт 1750 тонн клинкер үйлдвэрлэх хүчин чадал бүхий үйлдвэрлэлийн 1 дүгээр шугамыг ашиглалтанд оруулаад ажиллаж байгаа бөгөөд ойрын ирээдүйд 2 дугаар шугамыг барьж байгуулахаар төлөвлөөд байна.

Цементийн үйлдвэр нь дараах хэсгүүдээс бүрдэнэ. Үүнд:

Ø  Үйлдвэрлэлийн 1-р шугам:

o  Клинкерийн шугам (түүхий эдийн агуулах, босоо булт тээрэм, урьдчилан халаагч, эргэх зуух, клинкерийн хөргүүр, клинкерийн агуулах)

o   Цементийн шугам (хэвтээ тээрэм, агуулах силос, савлах болон автомашин/вагонд ачих хэсэг)

o   Удирдлага-хяналтын төв

o   Чанарын нэгдсэн итгэмжлэгдсэн лаборатори

Ø  Хаягдал дулаан ашиглан 5МВт эрчим хүч үйлдвэрлэх үйлдвэр

Ø  Төвийн эрчим хүчний нэгдсэн системд холбогдсон 110кВ-н дэд станц ба 53 км урттай цахилгаан дамжуулах агаарын шугам

Ø  Үйлдвэрийг УБТЗ-ын гол замтай холбосон 3.5 км салаа төмөр зам

Ø  10 км урттай үйлдвэрийн болон ахуйн ус хангамжийн нэгдсэн систем

Ø  Уурхай болон технологийн зам

Ø  Шатахуун түгээх станц

Ø  Ажилчдын орон сууцны хороолол

Монцемент үйлдвэрийн Шохойн чулуу болон занарын ил уурхай

Монцемент үйлдвэр нь зуунаас зуун дамжин ашиглагдах арвин их нөөцтэй, өндөр чанарын олон төрлийн түүхий эд бүхий Сэнжит худаг шохойн чулууны ордыг түшиглэн цементийн үйлдвэрээ барьж байгуулсан.

Түүхий эд	Ил уурхай	Нөөц	Ашиглалтын хугацааз
Шохойн чулуу	Үйлдвэрээс 1.5км	230 сая тонн	> 250 жил
Занар	Үйлдвэрээс 1.5км	150 сая тонн	> 250 жил

 

Хаягдал хийг дахин боловсруулж цахилгаан эрчим хүч үйлдвэрлэх WHRPG үйлдвэр

Компанийн удирдлагын зүгээс үйлдвэрлэлийн байгаль орчинд үзүүлэх нөлөөллийг багасгах, түлш эрчим хүчний хэмнэлтийг үйл ажиллагааныхаа зорилго болгон ажилладаг. Тиймээс клинкер үйлдвэрлэх шугамтай зэрэгцээд хаягдал хийг ашиглан эрчим хүч, дулаан үйлдвэрлэх үйлдвэрийг Монгол улсaд анх удаа барьж байгуулаад байна. Тус систем нь Урьдчилан халаагч / Эргэх зуух гэсэн пиро-процесс болон клинкерийн хөргүүрээс гарах 360-380°С хэмтэй хаягдал дулааныг эрчим хүч болгон хувиргах олон улсад хүлээн зөвшөөрөгдсөн Ранкайн Цикл технологийг ашигладаг юм. Ингэснээрээ:

Ø  Агаарт цацагдах хүлэмжийн хийн хэмжээг бууруулна.

Ø  Төвийн эрчим хүчний системээс хэрэглэх нийт эрчим хүчний хэмжээг 40 хувиар багасгана.

Ø  Нэгж бүтээгдэхүүнд ноогдох өөрийн өртгийг бууруулж эдийн засаг, экологийн эерэг үр дүнг авчирдаг тус тус давуу талуудтай билээ.

Энэ үйлдвэр нь говийн бүсийн цаг агаарын нөхцөлд тохирсон агаарын хөргөлтийн системтэй ба Монгол улсад байгаа бусад үйлдвэрүүдтэй харьцуулахад 5 дахин бага ус хэрэглэдэг юм.

УЛААНБААТАР ХОТ ДАХЬ КЛИНКЕР БОЛОВСРУУЛАХ ҮЙЛДВЭР

Бүтээгдэхүүнийг хэрэглэгч нарт ойртуулах, тэдгээрт хурдан шуурхай хүргэх ложистикийн асуудлуудыг хялбаршуулах үүднээс үйлдвэрийн нэг хэсгийг Улаанбаатар хотын СХД-н нутаг дэвсгэрт барьж байгуулан Монгол улс болон Олон улсын стандарт шаардлагыг бүрэн хангасан цементийг зах зээлд нийлүүлж эхлээд байна.

Улаанбаатар хот дахь жилд 1 сая тонн цемент тээрэмдэх хүчин чадал бүхий Клинкер боловсруулах үйлдвэр нь Өргөн суманд байрлах цементийн үйлдвэртэйгээ хамт нэгэн цогц систем болж ажиллаж байгаа бөгөөд ба дараах хэсгүүдээс бүрдэнэ. Үүнд:

Ø  Клинкер вагоноос буулгах, хуваарилах иж бүрэн систем

Ø  Цементийн 2 тээрэм

Ø  26,000 тонн багтаамжтай түүхий эдийн агуулах

Ø  Нийт 12,000 тонн цемент агуулах 4 силос

Ø  Задгай болон савласан цементийг машинд зэрэг ачих боломжтой автомат систем

Ø  Удирдлага-хяналтын төв / Чанарын лаборатори

Ø  Төмөр зам, авто замаар түүхий эд хүлээн авч, ангилан тэжээх 200 тн/ц бутлуурын цогц систем

Ø  Борлуулалтын хэсэг

Клинкер боловсруулах үйлдвэрийн технологийн дэвшилтэт шийдэл:

Ø  Бүрэн автоматчлагдсан

Ø  Жилийн аль ч улиралд +400С ээс -400С хэмд цемент үйлдвэрлэх нарийн дэвшилтэт технологитой.

Ø  Тоосжилтын хэмжээг хамгийн бага түвшинд барих <30 mg/Nm3 технологитой.

Ø  Дуу чимээг орчинд тархахаас тусгаарласан тусгай технологитой г.м. онцлог олон технологийг өөртөө шингээсэн орчин үеийн хүн, байгальд сөрөг нөлөө бага үйлдвэр юм.