Монцемент билдинг материалс ХХК

Монцемент Билдинг Материалс ХХК (МБМ) нь Монполимет Групп болон Европын Сэргээн Босголт Хөгжлийн Банкны (EBRD) хөрөнгө оруулалт, дэмжлэгтэйгээр Монгол улсын хүчин төгөлдөр хэрэгжиж буй хууль эрх зүйн хүрээнд үүсэн байгуулагдаж төслийн үе шатнаас бүтээгдэхүүн үйлдвэрлэлийн бие даасан шат хүртэл үйл ажиллагаагаа амжилттай явуулж буй компани юм.

МБМ ХХК нь Дорноговь аймгийн Өргөн суманд 2015 онд дэлхийн хамгийн орчин үеийн дэвшилтэт, эко технологиудыг нэвтрүүлсэн жилийн 1.000.000 тонн цемент, цементийн клинкер үйлдвэрлэх хүчин чадал бүхий хуурай аргын цогц үйлдвэрийг барьж байгуулан ашиглалтанд оруулаад байна. Түүнчлэн энэхүү үйлдвэрийн нэг хэсэг болох цагт 120 тонн цемент үйлдвэрлэх хүчин чадал бүхий клинкер боловсруулах үйлдвэрийг Улаанбаатар хотын СХД-ийн нутаг дэвсгэрт барьж байгуулсан нь аж үйлдвэрийг цогцолбороор хөгжүүлэх үлгэр жишээ загвар гэж хэлж болохоор байна.
Монгол улсын барилгын материал үйлдвэрлэлийн салбарын хөгжлийн энэ жишиг бүтээн байгуулалт нь түүхий эдийн зүй зохистой ашиглалт, тээвэр ложистикийн зөв шийдэл, байгаль орчины ээлтэй үйл ажиллагаа, техник, технологийн дэвшил ноу-хауг өөртөө шингээсэн цогц шийдэл болж байгаагаараа онцлог юм. Монцемент үйлдвэр нь Монгол улсад анхдагч ЭКО үйлдвэр бөгөөд дэлхийд цемент үйлдвэрлэлээр 6 дугаарт бичигддэг Тангшань Жидонг Цемент Компанийн / SZSE: 000401/ практик сургалт, мэдлэг туршлага дээр тулгуурлан үйлдвэрлэлээ явуулж байна.

Монцемент үйлдвэрийн давуу тал:

• 1000 гаруй мэргэжлийн ажиллах боловсон хүчин, инженер техникийн ажилчдыг ажлын байраар хангаж, алслагдсан орон нутагт шинээр мэргэжлийн ур чадвар шаардах ажлын байр бий болгосон.

• Өндөр чанарын түүхий эдээр үйлдвэрлэсэн бүх төрлийн цементийг үйлдвэрлэж байна.

• Монгол улсын төмөр замын сүлжээтэй ойр байршилтай, 3,5 км өөрийн салаа төмөр замтай.

• Задгай цемент тээвэрлэх зориулалт бүхий Европ стандартын өөрийн хоппер вагоны баазтай.

• Тасралтгүй, найдвартай, зогсолтгүй ажиллах хүчин чадал бүхий бүрэн автоматжуулагдсан үйлдвэрлэлтэй.

• Чанарын хяналтын менежментийг өөрийн бүрэн тоноглогдсон итгэмжлэгдсэн лабораториор найдвартай хянах хөтөлбөртэй.

• Дэлхийн цементийн үйлдвэрлэлийн туршлагатай мэргэжилтнүүдийн мэдлэг туршлагыг ашигладаг.

• Олон нэр төрлийн бүтээгдэхүүнийг хэрэглэгчдийн сэтгэлд нийцэх арга замуудаар нийлүүлэх хүчин чадалтай.